馬德鐘啜出善心 阿佘想跟

馬德鐘（Joe）與太太張筱蘭舉行瓷婚慈善晚會，邀請大班圈中好友參加，包括佘詩曼、苟芸慧、薛芷倫、琦琦、馬詩慧、汪詩詩、汪圓圓等出席，Joe早已呼籲各人不要買禮物，把人情折現作善款，他說：「希望將人情嘅小心意變成大愛，我哋會全數款項捐給香港大學秀圃老年研究中心，目標是籌到7位數。」Joe與太太着上結婚禮服，影合照時在徇眾要求下咀嘴甜到漏。Joe表示之後希望一家三口到東南亞旅行：「佢哋想潛水，亦喜愛陽光海灘和海洋生物。（有冇送太太禮物？）今晚會有驚喜畀太太。」

佘詩曼既戥他們開心，又謂希望將來可效法他們，所以希望盡快找到理想對象，被問到是否事業心太重？她說：「唔係！唔同階段做唔同嘢，當你去到嗰個階段又未必稱心如意，慢慢嚟，（冇乜筍盤？）唔係啩，唔好嚇我，希望在明天。」

佘詩曼對尋覓「筍盤」仍然有期望。

琦琦（右起）與馬詩慧等盛裝到場。

苟芸慧否認抑鬱

同場的苟芸慧最近被傳食抗抑鬱藥食到肥，她否認有抑鬱症，只是食中藥調理身體，笑謂希望大家留意其身體多過體重。對於緋聞男友郭富城被指攬女，她表示：「佢可以做自己想做嘅嘢，我唔會呷醋，點解要呷醋，（會否接受你另一半係咁？）相處係講信任同尊重，自己將來會畀另一半有私人空間。」

兒子馬在驤戥父母開心。	薛芷倫谷胸現身。	苟芸慧正努力減磅中。

另外，馬太模特兒好友琦琦與馬詩慧（Janet）大讚他們廿年「再婚」是最佳時機，但就異口同聲表示不會效法，琦琦說：「我同老公平時食吓飯，打吓邊爐就好滿足，佢哋廿年再擺酒係perfect time。」Janet則表示她與王敏德已結婚21年。

文：名人組