莊思敏又點火頭 勾心鬥珏

莊思敏最近與蔡慧欣等人到長隆拍攝特輯，《好報》昨踢爆她疑眼紅蔡慧欣的導彈身材搶「峰」頭，落水玩遊戲時大耍陰招，將蔡慧欣的頭按入水中，令她飲水兼泳衣斷帶！

昨日莊思敏與蔡慧欣、梁政珏、白雲、雨僑、沈卓盈、楊焉等在酒店泳池宣傳節目《反斗紅星放暑假》齊齊戲水，莊思敏與蔡慧欣全程鮮有交流，不過，莊思敏卻「例牌」否認不和：「我雖然同佢唔熟，但我發誓冇咁做過（恰蔡慧欣），可能嗰陣喺水裏面玩遊戲，當時好大浪，有啲混亂啫！我同金剛咁friend，一定會錫住佢哎吔女友嘅。」蔡慧欣亦指莊思敏沒有「恰」她，可能只是她跌落水時引起誤會！

雨僑性感「宴客」

而昨日之活動，眾女星以泳衣打底配襯DIY tee亮相，向來性感搏到盡的梁政珏將tee剪成超低V，狂晒導彈；將tee改成斜膞裝的莊思敏則有意無意跌膞騷「半球」；反而向來密實的雨僑突然性感，谷胸示人，笑謂：「我比較少攞出嚟招呼大家。」當中最性感的是「大乳牛」白雲，上水和落水期間35E巨咪拋胸而出，「波濤胸湧」搶盡「峰」頭！

白雲（左）、梁政珏（右）big波蕩漾。	雨僑 今日有「好嘢」招呼大家。(設計對白)	《好報》踢爆莊思敏（右）早前在長隆拍特輯時將蔡慧欣（左）的頭撳落水。

嘲梁政珏冇衫着

沒有落水的莊思敏自爆M到唔方便，更「公告」全世界勿推她落水：「費事整污糟泳池咁冇公德心啦。」她又寸爆以「低V tee」搶鏡的梁政珏：「咁不如唔好着，玩遊戲最緊要投入，如果吓吓要搶住性感，咁好快冇衫着喎。」梁政珏則解釋低V裝是與工作人員一齊創作，不覺得是搶風頭，亦不知道要落水玩遊戲。另方面，莊思敏出席新車活動時自爆試過車震，感覺緊張又刺激：「好在冇畀人照田雞，嗰時19歲，年少無知比較大膽。」

沈卓盈一烏身，令人眼前一亮。

昨日出版的《好報》爆出猛料如雲。

「波濤胸湧」的白雲自言不是有心搶鏡：「靚嘢攞出嚟show吓都開心嘅，唔通收埋喺屋企咩？（使唔使減肥？）荷里活都好多性感女星，豐滿都係一種美，唔係瘦先靚。」

文：影視組