謝安琪爆老公嗜好睇車
謝安琪（Kay）昨日與官恩娜、周柏豪為鄧麗君紀念音樂會進行綵排，Kay透露屆時會翻唱三首鄧麗君的經典金曲。提到早前有指她送名車給老公張繼聰，她即暗示老公買新車：「男人應有自己興趣，佢又冇乜特殊嗜好，係個『乾淨仔』。（嗜好係你？）啋啋啋，咁就弊家伙！」問她是否家中的財政大臣？Kay說：「我個人好free，佢好鍾意睇車，前排先同方力申睇電單車，男人要畀嘢佢哋追吓。」她又稱曾爆肺冇氣力，要交由老公負責「追」仔：「佢成日追住個仔陪佢踩單車、打籃球。」
另外，姍姍來遲的官恩娜表示因天雨路滑而當眾仆倒：「我驚遲到趕過嚟，點知仆咗喺條街度，帽都飛甩埋，見到啲人喺側面暗笑。」
