張筱蘭揀多次 照嫁馬德鐘
張筱蘭博士（Dr. Karen）是現時港大秀圃老年研究中心名譽研究員，身兼港大社會工作及社會行政學系的名譽助理教授，美麗又有學識。她活躍於大學研究界，但私生活極其低調，原因是她的另一個身份──藝人馬德鐘太太。今年是他們結婚廿周年紀念，她以易經一句「潛龍勿用」形容過往近廿年的低調生活；若從頭再揀，她笑說：「我都會嫁畀佢！」
上網翻查有關Karen的新聞，資料少之又少，只偶然有她陪伴馬德鐘睇首映或行街的照片。她與馬德鐘早在1993年結婚，沒有婚紗，沒有婚照，也沒有註冊儀式，在偏遠的西貢鄉公所內，出席的只有雙方父母及數名親友，低調得甚至婚後也沒公開婚訊，她笑說：「有日佢喺電話亭打電話畀我，佢好鍾意講電話，我哋傾咗好耐，突然間佢話結婚，我問係咪講真o架？就係咁就去結婚。」
Karen承認低調結婚是考慮到藝人老公的身份，她抵死地說：「嗰時馬德鐘啱啱先入無綫，雖然喺無綫係7、8、9、10線藝人，但廿年前藝人唔興公開婚訊，（覺得遺憾？）其實我一直鍾意低調生活，兩年前先至多啲見人。依家諗法唔同咗，就好似寫研究論文咁，以前會覺得畀名科學家睇到我嘅論文係光榮事，但畀多啲人睇到唔係仲好咩？我嘅金句係『潛龍勿用』，即係時機未到，不宜輕舉妄動。依家唔使照顧小朋友同兼顧讀書，係我接受變化嘅時候。」
為慈善影婚照
周五（28日）便是Karen與馬德鐘結婚廿周年紀念，他們籌備了大型的慶祝晚宴「JMK China Wedding Anniversary」，扣除基本開支，將全數撥捐港大秀圃老年研究中心，Karen說：「希望將小愛變成大愛，捐出大家嘅心意，我哋仲特登去影咗輯婚紗照。我同馬德鐘都鍾意懷舊，去咗好多度香港古迹名勝取景，係我哋第一次影結婚相。」
Karen求知欲強，用了6年在科大完成中國研究碩士及人口學博士課程，她做學生期間也當了母親，更把當時兩歲的馬在驤帶在身邊一同讀書。她說：「多得大學提供兒童託管服務，等我可以安心上堂，每當轉堂，我就跑去餵奶，打點妥當，就返去課室繼續上堂。」完成博士課程後，她拿獎學金赴意大利做首個「博士後」研究，亦帶同兒子到意大利，之後她連續憑多個獎學金，再到瑞士、法國及維也納等地繼續研究工作。
投以無限信任票
馬德鐘形象瀟灑，很受女士歡迎，不過Karen對他投以無限信任票。馬德鐘討厭讀書考試，卻很支持太太求學，Karen說：「有年馬德鐘去意大利拍《衝上雲霄》，嗰年我就喺意大利做研究，佢嚟做嘢又可以探我同個仔！其實我都成日飛返香港探佢。」她認真地說：「我諗我再搵唔到一個人比佢更清楚我、了解我嘅脾性。馬德鐘畀到我信心，如果要我重新揀一次，我都會嫁畀佢！」她說馬德鐘性格順得人，形容巨蟹座的他為「軟殼蟹」和「鱷魚頭老襯底」的結合：「佢個人簡單、腍善，紳士風度得滯，會畀錯覺人哋。」
談到二人的浪漫時刻，Karen最難忘40歲生日當晚，兩人外出飯後去看夜景，好不浪漫；回家後，Karen驚覺地上有個用蠟燭砌成的心，她憶述：「嗰刻好驚o架！點解屋企冇人但有人砌咗個心出嚟？突然我家人同好朋友走晒出嚟，原來係馬德鐘安排嘅，好難忘，好感動。」她口中雖說馬德鐘古靈精怪，但卻句句甜在心，儘管Karen沒看過老公主演的劇集，但她認為老公在演藝界很努力──至少他會從劇本中抄橋冧妻！
12歲的青澀時代
Karen與馬德鐘是中學同學，早在中一已相識，在兩人12歲的照片中，馬德鐘單手插袋chok甫，看來瀟灑，Karen則含羞答答，甚為合襯。不過Karen說兩人小時候其實是「死對頭」，曾因為馬德鐘蝦其他女同學而出頭斥責他一頓。中三時馬德鐘離校，之後入學堂做警察。兩人失聯多年，各自畢業後在街上重遇，才開始正式拍拖。
曾闖模界五年
Karen與娛樂圈很有緣，除了有個藝人老公，亦曾當過模特兒，原來是由馬德鐘介紹入行。90年代中期，她以英文名「Marjorie」闖模界，名字乃來自她真名「Marjorie Karen」，當時正是琦琦、馬詩慧、周汶錡、陳嘉容、李嘉慧、孟廣美和楊崢等模特兒最熱捧的年代，她說：「嗰時唔興『事業線』，每個模特兒都有自己嘅型格，重視團隊精神，不過都聽聞過有啲頂手o架、霸頭位嘅事。」她在模界只有5年時間，之後重投校園，開展她的研究工作。
Profile
中文名：張筱蘭
英文名：Dr. Karen Cheung
職業：香港大學秀圃老年研究中心名譽研究員；香港大學社會工作及社會行政學系名譽助理教授
學歷：科技大學中國研究碩士及科技大學人口學博士
語言：意大利語、法語、英語、國語和廣東話
履歷：2007-2008年科技大學教書；2009年港大做研究至今
服裝：Ted Baker
化妝及髮型：Josephine Yu@Make Up For Ever
場地：如心南灣海景酒店