張國強講「波」失言 向黃婉曼「耍冧」
無綫奪得明年巴西世界盃播映權，到時勢必作鋪天蓋地宣傳，令全城投入森巴狂熱，但同時令人回想起上屆世界盃出任評述員的張國強（KK）講波失言一事。
2010世界盃正值「天氣女神」黃婉曼剛剛彈起，無綫特意安排一個環節給她solo，當黃婉曼完成她的部分，KK無啦啦發放愛的宣言說：「黃婉曼真係好，佢有『波』！」KK還未講完就發覺在旁的錢嘉樂、阮兆祥等人喪笑，KK自知失言後即狂兜：「佢有波、有天氣、有分析，我諗我有少少鍾意咗佢！」最後他要鞠躬向黃婉曼謝罪。
其實KK出發點係好，只係想讚黃婉曼連講波都得，瓣瓣掂啫！不過麻煩KK明年講波先諗諗，免得禍從口出，免得像當年黃興桂講錯「倒掛X鈎」直播出街就唔好啦。
事件：張國強失言事件簿
時間：2010世界盃期間
人物：張國強、黃婉曼