「機迷」鄭伊健昨日出席電玩遊戲活動，並即場與三名日本遊戲製作團隊齊齊打「大佬」。伊健在遊戲中連續被殺死兩次後，對觀眾尷尬傻笑，雖然大會助他「死過翻生」，可惜最後為打贏怪獸而被隊友犧牲。問到老婆蒙嘉慧（YoYo）可有沒收遊戲機？他說：「冇呀，佢都有打機，不過我哋玩唔同類型，有時仲叫我介紹畀啲game畀佢。」他又透露將到布拉格拍戲，問到老婆會否隨行？他說：「睇吓時間脗唔脗合，佢呢排都揀緊劇本。」
