黎明金句念前輩 戴黑超延壽
黎明（Leon）前晚出席雷頌德（Mark）的演唱會，講到原本想戴黑超獻唱黃霑作品《明星》時，他再度發揮金句王本色，笑指沒有戴黑超的前輩均已去世，如今他戴黑超應可長壽，並說：「走只係一個軀殼，靈魂會繼續飛。」引得過萬觀眾捧腹大笑。
黎明前晚率領旗下藝人衞蘭、李治廷、JW、應昌佑，與陳慧琳（Kelly）、楊千嬅、梁漢文、馮德倫、方力申及鄧麗欣等20多名歌手，出席《雷頌德THANK YOU演唱會》。眾女歌手分別以透視或大露背裝示人，但以換上四套衫騷長腿的Kelly最搶鏡，她先與陳曉東打頭陣合唱《打開天空》，將氣氛推至高峰。而主角雷頌德在台上多番感謝已故音樂啟蒙老師黃霑，又當眾向曾做模特兒的老婆梁家玉說：「I love you。」
「靈魂會繼續飛」
回復單身的Leon壓軸出場，唱罷歌曲《明星》後發揮金句王本色說：「原本諗住戴黑超唱《明星》，等自己扮吓明星，點知下面啲人覺得唔係好尊重，其實唔戴眼鏡唱歌嘅前輩都已經走晒，我戴副眼鏡係咪可以遲啲走呢？」接着繼續拋金句說：「早走、遲走都唔好諗咁多，走只係一個軀殼，靈魂會繼續飛。」Leon之後再與10多名比堅尼女舞蹈員邊跳邊唱快歌，期間Leon目不斜視、雙手放前。
雷頌德優待千嬅
四度上台的Kelly坦言沒有Mark就沒有她：「佢寫咗二百幾首歌畀我。」她又聯同前組合Dry成員馮德倫及Mark合唱《紀念日》。當年有指Dry鬧不和而拆夥，兩人否認並澄清說沒有不和。
千嬅透露因坐月未有影此次演唱會的海報，又自爆懷孕時公司邀得Mark為她寫歌：「估唔到佢兩日就起貨，我就佗住個肚邊搖邊錄，仲有幾下抽搐，諗起都驚。」
採訪：音樂組