葉蒨文：藝人參賽要求高
歌手葉蒨文（沙麗）前晚擔任無綫歌唱比賽的評判，對於評分準則，她指最緊要識唱歌及有自己的風格，並謂期望參賽者會有高水準。問會否做「毒舌」狠批？沙麗說：「唔會，但會講番有乜要改進，因為今次參賽者全部都係圈中人，所以要求自然會高啲。」
郭偉亮戥慘
提到巫啟賢錄影時喪插藝人，郭偉亮（Eric）昨坦認插得勁：「可能巫啟賢覺得咁鬧好睇啲。（於心不忍？）都覺得佢哋幾慘，因為今次係藝人參賽，佢哋百忙之中抽空嚟唱歌，我覺得唔使鬧得咁勁，但可能巫啟賢希望呢個節目唔會畀人感覺兒戲啦。」他又大讚鄭俊弘唱得最好，更自稱愛追黃智雯和梁烈唯的劇，故評分時有刻意鬆手。