「蘇基」古明華昨日出席福特新車發布活動，他笑言向來對靚車有研究，但接觸機會不多，而品牌相當識做，提供靚車讓古佬試揸一年，問到其Dream Car，擁有一架私家車及電單車的古佬不忘賣口乖：「呢架就係啦！有天幕，車廂同尾門夠大，方便擺好多嘢，又可以做埋開工車。」
提到陳豪及陳茵媺（Aimee）結婚，古佬表示男方曾說過會擺酒，故會等對方邀請，更衝口而出爆Aimee有孕，但其後澄清說：「我聽講咋！（教陳豪湊BB經？）隨時歡迎！我個女十幾歲，每件事都記憶猶新。」
