陳豪默認茵媺佗B女王式服侍

「雙陳」拍拖兩年多，日前於定情地點巴黎完婚，雖然婚禮只有雙方家長及少數圈中人出席，但一對新人獲全城唱好送上祝福，但新婚短短三日卻要分道揚鑣，陳豪返港工作，盛傳有喜的Aimee則返回加拿大繼續安胎，故兩人前晚恩愛拖手現身巴黎機場，已顯得難捨難離。

陳豪昨晨約七時在經理人陪同下步出機場閘口，半百記者到場採訪，陳豪識做地慢慢行，又主動舉起左手騷婚戒給傳媒拍照，有旅客獲悉是陳豪時不禁大叫，還爭相拍照！

陳豪晨早飛抵香港，面對傳媒的追訪，毫無疲態！	陳豪、陳茵媺三日前才在巴黎結婚，為了工作及「安胎」被迫做「分飛燕」。	祝福收到晒

心情大靚的陳豪笑不攏嘴、任影唔嬲，面對傳媒連聲恭喜照單全收，不斷說「多謝」，當問到「Aimee是否雙喜臨門？」、「是否怕BB未滿三個月小器？」等問題，陳豪一味避談，並不斷「殊」大家不要再問：「總之係開心啦！有好消息會同大家公布。（點解巴黎行禮？）我哋story喺巴黎開始，意義好大，喺嗰度行禮比較圓滿。（有冇斟茶？）行西方儀式。」又說已計劃結婚一段時間，但不願透露婚禮是否花費三百萬，只說在婚禮上有感動流淚。

見牙唔見眼

揸機冧fans

未定是否加國分娩

對於Aimee盛傳已懷有「豪B」，可會陪太太生B？陳豪即尷尬笑謂：「總之我會喺佢身邊。（返香港補擺喜酒？）分開請大家食飯，好多朋友都收到風。（TVB直播補擺喜酒？）應該唔會。（Aimee留喺加拿大直至生為止？）唔係，可能遲啲。（香港定加拿大生？）未決定，睇下點。」問及婚禮流程時，陳豪直言enjoy婚姻生活及在巴黎的日子：「婚前所有嘢都好避忌，因為唔想走漏消息，好在冇人影到婚禮細節。今年自己改變好大，好多嘢一下子湧埋嚟，好在上天好眷顧我，全部係開心事。（度蜜月？）呢排忙，可能要遲少少。（一家三口去？）我覺得度蜜月係Daddy、媽咪兩個去。」

Aimee旺夫好感恩

每當提起Aimee，陳豪總是一副冧樣，更越洋向太太發表愛的宣言：「好多謝Aimee，自從遇到佢，發生嘅全部事都好開心，寄望日後都係一樣，she is my queen！」身在加拿大的Aimee定必甜到入心！

不過當問到Aimee生B後會湊仔還是復出拍戲？陳豪說漏了嘴：「佢自己決定，我覺得佢係好演員，唔做戲嘥咗，辛苦嘢等我做，佢handle到做媽咪同演員，就由佢自己揀。（有傳你開咖啡店分股份畀太太？）佢負責收錢，本來年尾開得成，因為太多嘢做，都講唔實，佢enjoy就得。（Aimee旺夫，令你工作不斷？）thank you，真係好多開心事發生，上天好眷顧我。（呢個父親節別具意義？）結婚意義都好大，等我一part一part慢慢同大家share。」還說媽咪對Aimee印象很好。

對於舊愛廖碧兒於微博送祝福，陳豪一臉認真地表示多謝，更指今次婚禮最難是有口難言，無法與大家分享，幸而追訪傳媒公布消息當日，與他們原定公布喜訊是同一日，未有打亂計劃！有指無綫有意游說直播「雙陳」在港補擺喜酒，無綫外事部副總監曾醒明昨日否認其事，指兩人的人生大事已在巴黎完成，不會再騷擾，相信只是外界的聯想，從未作出要求。

文：影視組