男星里奧勒度狄卡比奧（Leonardo DiCaprio）「里奧仔」日前跟影星好友Lukas Haas結伴睇法國網球公開賽時被影到兩人一副悶樣，但他們似乎仍未厭倦對方，再度相約一齊參觀位於巴黎的凡爾賽宮，不過今次里奧仔則醒目帶埋德國模特兒新歡Toni Garrn赴約提神，乘機介紹新女友給朋友識。
兩人連日來現身公眾地方亦未有親密舉動，但前日終於按捺不住，公然拖手，以行動「公開」戀情，里奧仔更充當「龍友」為Toni拍照，認真甜蜜。