方中信為囡囡搵校頭痕
方中信昨日出席ＢＢ車品牌活動時，他表示ＢＢ車已不適合五歲的女兒，記者笑言叫他追多個，他笑說：「我老婆唔得喇，高齡產婦！（囡囡冇話要個伴？）冇，佢知道生多個會削減權利同福利。」談到為女兒物色學校時，他說：「揀緊，好多間都面緊試，人生最煩呢啲。除非係超級富豪，幫子女搵學校最大壓力。」他表示曾提議為太太聘請司機，希望減輕太太負擔：「但佢（太太）好抗拒，鍾意親力親為湊女。」
同場的袁彩雲佗Ｂ女已經七個月，透露8月12日為預產期，會順產分娩，現時心情仍然十分輕鬆，她說：「老公要8月頭先返香港，我同ＢＢ講希望佢趕得切返到！」她表示會拍攝三輯孕婦相集，現拍了一輯：「冇bikini性感相，我好保守，着貼身衫影已經好鍾意。」