滕麗名「煮」婦出巡
滕麗名（阿滕）與圈外男友朱建崑拍拖兩年多，二人即將拉埋天窗，昨日阿滕已做定「煮」婦，前往銅鑼灣的超市買餸，見她掃了大堆凍肉及蔬菜後即往排隊付款，步出時見記者在場亦友善打招呼。問到是否買餸為男友下廚，她甜笑說：「係呀。（結婚啲嘢籌備好未？）我都唔知呀，問佢啦，（男友全權負責？）問佢啦。」問到阿滕男友於她心中有幾分，她冧爆說：「滿分呀，（男友點求婚？）婚已經求咗，但點求就秘密，總之好浪漫。」事後本報聯絡阿滕，問到婚禮是否於年底舉行及會否大事鋪張，她說：「未定幾時，自己意願到時開開心心就得喇。」
