蘇永康避狗炒車最怕女友鬧

康仔返回寓所後，在電話中接受訪問表示︰「都好大鑊，好在冇受傷，撞完車落返地先識驚，最驚唔係條命仔，而係撞爛條女部車，仲擔心撞爛咁多鐵欄，要賠好多錢，不過我大難不死，必會發達。」他否認因揸快車才失事，揚言當時依足車速管制行車，自問不及鄺美雲般愛狗，但他亦不想傷害小生命，他謂：「狗都有生命嘅，如果畀我再揀多次，我寧願撞車。」康仔傍晚6時許再離開寓所，友善地多謝傳媒關心，尚未通知女友及媽咪曾發生車禍，並訴苦說：「今（昨）晚女友知道我實捱鬧。」又謂不少好友來電慰問，張衞健劈頭就問他：「你死得未呀？」

蘇永康駕駛車輛撞向路邊鐵欄，鐵欄全被掃冧。

交通意外後，康仔的座駕車頭嚴重損毀。