Mika升Cup轉會天真D
龐錢景峰舊愛蕭美卡（Mika）去年因與舊公司鬧翻，寫真夢泡湯，但原來施念慈已為她斥六位數字贖身，並於今年簽約成旗下經理人公司模特兒，一圓寫真夢。只見失蹤一年的Mika上圍再度發育，C Cup上圍彈升到D Cup，躋身D奶俱樂部，拍得住同門「爆E超蓮」鍾采羲（Iris）！
曾與郭秀雲之子龐錢景峰拍拖的o靚模Mika，去年一心諗住出寫真，但因與前公司意見不合鬧翻，寫真計劃急急煞停。失蹤接近一年的她幸得施念施出手，據知施念施以六位數字為Mika贖身，並於今年簽約旗下經理人公司模特兒，成為「爆E超蓮」Iris師妹，決定今年再博一鋪出寫真。
懶理其他對手
雖然過去一年Mika沒有幕前工作，但她仍Keep住搵食架生，搣甩Baby Fat之餘，原本33C上圍再度發育，彈升上33D，輕易唧出四吋事業線，躋身「D奶俱樂部」會員。對於今年推出處女寫真，Mika有信心表示不成功便成仁，她說：「好緊張，我知一定會做到最好，但今次主題係玩純情同sell naive（天真），所以性感程度唔會去得太盡！」她又表示不會理會其他寫真戰對手。
趁後生留倩影
對於有指施念慈以六位數字為自己贖約，Mika說：「真係好多謝Iris，都係Iris推薦我畀施念慈，用幾多錢幫我贖約就唔講喇！但我冇諗過今年可以出到寫真，呢個係我夢想，趁後生都想為自己留倩影，如果反應好，出年都想再出！」問到若活動中碰上舊公司o靚模怎辦？她說：「唔會尷尬嘅！碰面難避免，咪打個招呼囉！」
採訪：專案組
攝影：司徒國榮
泳衣：maxxiimode.com