「岩石胸」趙碩之（Wylie）近日和公司大名娛樂面對合約糾紛，早前她更大呻零工作，又與律師傾過可以自己接job，不過她昨日出席電台訪問時轉口風，透露剛剛接到公司通知，下星期一會與老闆林建名開會，她說：「雖然唔知會傾成點，但好開心有進展，應該會係好消息，大名係個大家庭，老闆一定有諗過藝人嘅前途。」問她若然條件好可會考慮續約？她說：「會，之前都係大名畀機會我，做人唔會忘本，之前我話自己無助只係我唔願相信公司唔企喺藝人嗰邊着想。」她又表示不急於在書展出寫真，希望先解決合約問題。
