前妻離世 阿銘獨力湊孖女

「媽咪唔喺度,你哋唔開心都唔准亂咁扭計……記住要讀好啲書,安宜、家宜我愛你!」馬來西亞裔的單親媽媽劉雪玲早前將兩女交託前夫余浚銘照顧後,竟踏上不歸之途,僅留下錄音遺言。阿銘決定肩負照顧兩女的責任,卻對前妻殮葬費籌措無方,東方日報慈善基金了解後,即時從無力殮葬專戶撥款二萬元,協助辦理後事。

雪玲離婚後,去年曾毅然與年僅十一歲的孖女返回馬來西亞家鄉生活,近日突然回港,未料竟成一家四口的最後一聚。阿銘念及往事不禁悲從中來,「佢突然帶埋兩個女話嚟探我,落機第二朝早我哋仲傾咗幾句,點知嗰晚已經搵唔到佢。我報警先知道出咗事,點解佢要咁傻……」

阿銘直言,孖女至今仍不時記掛母親生前點滴,「佢哋經過學校,就會記起媽咪以前成日都會帶佢哋返學,話好掛住媽咪。」阿銘指前妻選擇自殺,懷疑與離婚後需獨力照顧兩女、加上求職出現困難與不堪生活壓力有關,最終選擇一條不歸路。事發後阿銘曾向女兒了解是否希望留在馬來西亞生活,「佢哋都話想跟番我返嚟香港,無論點都好,我都會好好照顧佢哋。」阿銘希望努力工作,好好養育孖女成材。

安排兩女回港讀書

父女三人現時蝸居於僅夠一人居住的劏房單位,環境異常擠迫。任職物流散工的阿銘坦言收入有限,但會努力照顧兩女,並已為女兒安排在港繼續學業,只擔心女兒在家會乏人照顧,現正為上班後託管一事張羅。對於基金的及時協助,阿銘坦言萬分感激,「點都會養大兩個女,只不過擔心返咗工會冇人睇住佢哋。真係好多謝《東方日報》喺呢個咁困難嘅時候幫咗我哋!」

捐款編號:12378

殘疾漢遷新居 冀添置家具

每個人都希望覓得安樂窩,但對五十五歲的羅智文來說,卻是困難重重。阿文半生歷盡滄桑,先因意外致永久傷殘,再被妻子拋棄,多年來孑然一身,早前終獲恩恤安置,由劏房遷往公屋單位。原為終獲理想居所慶幸,僅靠綜援維生的阿文卻因無力添置家具而憂心不已。

廿年前的阿文為鋁窗工人,惟在修理家中鋁窗期間失足墮樓,雖大難不死,但右腳腳掌卻因碎裂而失去工作能力,妻子未幾更離他而去。事隔多年,阿文談及往事仍無限唏噓,「黑起上嚟咩衰嘢都會發生,惟有自己盡量睇開啲!」

經長期物理治療後,阿文已重新站起來,亦可自理日常生活,「雖然都係趷下趷下,間唔中仲有啲痛,打風落雨直頭唔行得,但總比完全唔行得好好多!」阿文指之前所有傢俬電器均屬劏房業主所有,現時全副「家當」只得棉被及床墊,「綜援嗰份都係啱啱夠食,邊有餘錢買咁多嘢?」阿文希望善長伸出援手,協助購置新居基本電器及家具。

捐款編號:12389

記者:林松澧

第一手消息請下載on.cc東方互動iPhone/iPad/Android/Windows Phone Apps