鄭伊健昨日出席飲品活動，他表示早已與母親食飯慶祝母親節，問到蒙嘉慧首次以媳婦身份一同慶祝可會令母親更開心？他說：「我又冇問佢，佢哋一向相處開心，分別不大。」
提到好友林嘉欣的B女經已出世，他直言已恭喜對方，問到他會否心郁想生小朋友？他說：「我依家諗緊點避年，個個生完又生，自己一嚟冇打算生小朋友，二嚟鬥唔切，實輸，同埋自己冇乜責任心。不過我會教朋友嘅仔女禮儀，因為依家學校老師都少教禮儀，好多人忽視，我唔會鬧，但試過話到個小朋友喊。」
