楊怡心郁返內地吸金
楊怡、馬國明及黃淑儀昨日齊集將軍澳，為新劇《On Call 36小時Ⅱ》拍攝交通意外戲份，楊怡被問有否帶楊媽媽見未來女婿羅仲謙，她說：「佢冇話要見喎！我亦都未有得帶，（羅仲謙有冇行外母政策？）呢個劇個個都唔夠瞓，邊有時間？」楊怡隨即轉話題說：「近排同TVB傾續約，我反映咗想返內地拍劇，咁多錢邊個唔心郁？依家啲樓好貴，我都想多啲發展！」
而馬明則自責「黐」家，如果要離開香港工作會感到不習慣，無法像陳豪般30萬一集接內地劇，他說：「我怕長時間返內地唔慣，其實以前都有人搵，但夾唔到期。（鄭嘉穎返內地好勁，賺到入福布斯名人榜？）咁要屈佢食飯啦！」
