李曼筠白酒焗藍貝過口癮
「動漫Maggie」李曼筠最近轉型做「才女」，為編寫飲食書而四圍「捐」，早前她就去到銅鑼灣一間西餐廳「尋寶」，Maggie表示她最愛餐廳的白酒焗藍貝：「廚師喺藍貝上落少少煙肉同蒜蓉，再加埋白酒一齊焗，好鮮好甜。」她又誠意推介愛靚愛瘦的美女們享用，她說：「煮法容易，各位靚女可以當消夜食，又唔肥又可以『過口癮』！」
除了主菜，當然還有前菜及甜品，Maggie舉起拇指說：「個沙律好特別o架，有煙鱔喺入面，食落有清新味道，又有煙熏嘅香味，係好好嘅配搭！」至於甜品方面，Maggie就大讚餐廳的甜品甜而不膩，她笑言：「我好鍾意食梳夫厘，尤其士多啤梨味，食落冇咁heavy，而餐廳又有好多味道畀你揀，任君選擇！」