阿倫火速護兒：你飲醉呀？

講到有指阿倫囝囝以拔尖成績入牛津大學，他繼續避而不談，他說：「我冇咁講過呀，咁多年冇講緊係唔講啦，係想畀個好嘅讀書環境佢，唔知點解有個uncle飲醉酒講咗咁多嘢出嚟，惟有維持原則唔講啦，多謝晒！」矛頭擺明直指早前被指漏口風的吳錫輝。

此時演唱會監製葉廣權欲幫阿倫解圍，指大學畢業的陳慧嫻同樣讀書叻，豈料陳慧嫻突然爆料：「我喺美國讀，佢個仔就喺英國。」始料不及的阿倫回擊：「你又飲醉酒呀？」陳慧嫻即笑言只是在雜誌看到。

阿倫還擊，笑陳慧嫻飲醉酒。

陳慧嫻（左起）、王馨平、阿倫將於暑假開騷，現正構思新元素。

擺黎明上枱

為求甩身的阿倫惟有扯開話題，賣口乖讚寶麗金是名牌，陳慧嫻又笑言想請學友、黎明等一同開騷，希望阿倫幫口，但阿倫說：「唔同公司喎，國有國法，家有家規，我想請學友搵阿May姐（學友老婆）呀？咁請黎明搵邊個呀？」

文：音樂組