君如難忍陳可辛奄尖

陳可辛和吳君如日前穿情侶中褸拍拖行街，往銅鑼灣眼鏡潮店掃貨，極速揀中心頭好的君如，更即買即戴，眼見陳可辛奄尖多要求，君如便獨自去家品店揀家品，逛一會再折返叫陳可辛去家品店幫眼，廿四孝老公未買到眼鏡，就應她要求，買完家品才返去眼鏡店付款，收穫良多的君如心情大靚，遇見記者更主動打招呼。
君如與陳可辛以情侶褸示人。
君如與陳可辛以情侶褸示人。