趙碩之再戰寫真界：會考慮

趙碩之與大名娛樂的合約糾紛仍未解決，《好報》獨家拍得她日前單拖在沙灘做運動保養咪咪，有傳為博翻身而自資出寫真，盡地一煲的她期間更血濺沙灘，要到救護站治理傷口。早上操完咪咪，晚上再被拍得找王菲前私人健身教練、「爆肌黃曉明」顧又銘作慰藉，谷盡D奶的她更送抱，二人親密關係曝光。

「搵埋都唔夠賠」

昨日趙碩之透過電話訪問，直言收入不穩定，對於出寫真不置可否：「一直有做開運動，喺海邊做運動有多啲正能量。（出寫真？）如果有人話我出寫真，我會考慮吓，不過依家要搞掂大名娛樂嘅合約先，遲啲嘅嘢唔知。（5年賺不過60萬？）我之前唔使交稅，如果佢要我賠，搵埋都唔夠錢賠！」對於與顧又銘深宵談心，她表示二人只是好友，等自己練出肌肉才與他談愛火，她又透露已發律師信予公司，不過大名娛樂發言人卻表示未有收到律師信，雙方各執一詞。

近日煩事纏身的碩之，相約「爆肌黃曉明」顧又銘傾訴。	前晚趙碩之出席活動，左膝傷勢仍未愈合。	趙碩之被《好報》獨家影到去海灘做運動時，不慎跌倒致左膝流血。

胡渭康寸不敬老

前晚趙碩之出席首映活動時，對於合約問題，她說：「賠錢方面已經交畀律師了解，要睇吓賠錢合唔合理。不過根據合約精神，冇寫明經理人公司蝕錢要藝人孭，尤其公司投資嘅錢，都唔係淨係用落我度，其他artist好似戴夢夢、尹蓁晞都有，點解淨係追我？唔通公司做舞台劇蝕幾百萬又入我數？」

另外，胡渭康昨日出席活動時，亦有談及緋聞女友趙碩之與大名娛樂的合約糾紛，他力撐公司似大家庭：「其實林建名（大名娛樂老闆）對artist好好，大家都當佢爸爸，有咩事都可以同佢傾，咪當敬老囉，做咩要咁對佢。（打畀趙碩之傾？）佢係o靚模始祖，咁大個女，識用腦諗。」

文：專案組