伍詠薇老公面前電老外
伍詠薇和老公練海棠前晚拍拖到澳門欣賞《Taboo色惑》騷，現場有一男一女老外模特兒穿情趣內衣，男模輕倚在伍姑娘胸前，即令她依嘩鬼叫。伍姑娘之後不理老公，攬男模合照，又扮親吻他，練海棠笑言預了老婆看騷時會衝出去。
提到早前有網友在微博叫伍姑娘去死令她發火，伍姑娘說：「微博世界係公平公開，唔鍾意我唔緊要，但叫我去死就係人都嬲！藝人唔係好蝦，我叫佢要自重。」講到《金枝慾孽貳》收視只有19點，伍姑娘說：「作為演員我做宣傳已盡力，如果觀眾唔鍾意睇唔好逼佢哋，點數隨緣。話冇失望就呃你，但都過晒。（驚唔驚套劇被腰斬？）唔會腰斬，我話嘅。」談到陳山聰返港，伍姑娘說知道但沒留意報道。