鐘麗緹鞋論撐Lynn夠贈興

【林淑汶、司徒國榮澳門直擊】郭富城與熊黛林(Lynn)七年情玩完,前晚她收拾心情到澳門新濠天地欣賞《Taboo色惑》,並與同是城城舊愛的鍾麗緹(Christy)同場,「熊緹」難得大方合照,亦互讚美麗,Christy更巧合地引用早前城城的「鞋子愛情論」鼓勵Lynn。

前晚澳門新濠天地呈獻《Taboo色惑》,吸引不少名人明星現身撐場,包括鍾麗緹、熊黛林、謝婷婷、伍詠薇與老公練海棠、蔡一智夫婦、丁子高、張燊悅、趙式芝及楊如芯等。眾人均穿上由香港時裝設計師何志恩及Ground Zero設計的慈善T恤登場。

女兒有男友

兩位郭富城的舊愛Lynn和Christy前晚巧合同場,她們都被現場的性感男模「挑逗」,Lynn表現害羞,頻呼尷尬,Christy則未有抗拒,風騷撩人。問Christy可有鼓勵失戀的Lynn?她說:「人要向前看,希望佢放鬆啲enjoy the show,生活都要繼續。女人失戀好平常,所以要多愛自己同獨立。」

其後Christy以鞋論愛情,認為鞋不合穿就要換,記者指城城也剛發表此偉論,她驚訝說:「係咩?我淨係諗全世界嘅女人都鍾意買鞋同bra,乜佢唔係鍾意買車嘅咩?」Christy又說15歲的女兒已有男友,問有否灌輸性知識給女兒?她說:「佢哋兩個都仲好純,未接觸到性。」

熊黛林尷尬

Lynn到場時被熱情的男模挨近及摸手,嚇得花容失色,她之後自言保守:「好耐冇試過同男人咁親密,好少見咁大隻嘅男人又着咁少衫,所以覺得好尷尬,如果係日頭肯定見到我面紅,我又冇心理準備。如果一早知道,可以有啲甫士配合。」問Lynn會否沒膽量接拍情慾戲?她笑言會以酒壯膽,底線是三點不露。對於獲Christy讚靚,Lynn回敬說:「佢都好靚,唔介意合照。(佢早排話你浪費咗七年青春戥你唔抵。)咁都要投資吓,開心過咪得囉!」