摺六萬紙鶴悼Sita
陳僖儀的家人及唱片公司明白粉絲對Sita的思念、不捨，昨日特別安排90分鐘公祭時間，由下午五時至六時三十分，讓粉絲及巿民入靈堂鞠躬拜祭，大批粉絲比預定時間早到排隊，每次二十人一排進內，估計近300粉絲前來公祭，除有穿校服的學生，也有年紀較大的粉絲。其中一名穿校服的女歌迷被問到鍾意Sita哪首歌？她傷心得無法答話，喊住走人。
19歲的Jimmy表示喜歡了Sita一年，最愛其歌曲是《蜚蜚》。他說：「心情有啲沉重，今日唔使返學校所以嚟鞠躬，好想同佢講miss you。」另一16歲女歌迷稱：「有次買唔到飛睇佢音樂會，喺facebook同佢對話，之後佢寄咗兩張飛畀我，佢對粉絲唔冷淡。」之前有Sita粉絲發起摺紙鶴，希望以她的生日日期「10387」（87年3月10日）作紀念，結果粉絲、好友總共摺了六萬隻。另外，Sita最後在微博的留言，截止昨日有超過十一萬留言，可見大家對她懷念不絕。