洪卓立成功進化 阿媽唔認得
英皇歌手洪卓立（Ken）昨日到旺角舉行簽名會，近200名歌迷一早到場排隊，更有兩位行動不便的fans坐輪椅到場支持，Ken率先為二人簽名，並表示她們是忠實fans，基本上每次簽名會都見她們身影。
預年尾再出碟
轉玩成熟形象的Ken又自爆笑料：「阿媽去唱片舖搵唔到我隻碟，我以為咁犀利賣斷市，點知原來係佢認唔到個封面。」他笑言自己轉型成功：「如果仲認得，即係同以前冇分別啦！以前好似20歲o靚仔咁，依家似番真實年齡，我26歲o架喇！」他預計年尾會再出新碟：「希望形象上再進化啲，睇吓會唔會到阿爸唔認得我。」他又爆女友湯怡對其新形象大讚：「OK，幾靚。」
恨做白淨肌男
Ken又指自己近期勤於運動，但否認想變大隻仔：「變番個正常人啫，我好難操到好似陳偉霆咁，佢操咗兩年幾先得，我兩年後睇吓點先啦！（會唔會曬黑啲？）未必會，好似個個都又黑又大隻咁，如果我係OK大隻又白雪雪嘅話都幾特別。」
文：音樂組