郭政鴻：keep住友好

伍詠薇：與觀眾同步

與陳山聰朋友不再的伍詠薇，昨出席活動時對於山聰箍煲失敗單拖回港，她笑笑口說：「又關我事？我唔知喎，都係睇新聞先知，我同觀眾係同步知道消息，我由頭一日開始到依家都對佢哋冇意見，人哋嘅私事又冇參與，不過都希望佢（山聰）開心。（歡迎佢返tvb拍劇？）邊個返嚟都想。」

李添勝：應該減肥先

曾建議陳山聰可回巢演騎呢角色的李添勝，昨接受電話訪問時說：「男女之間嘅嘢，我哋又唔喺人哋床下底，唔會知發生乜事。雖然佢係想愛情、事業兼顧，但未必好似心中所想。佢係可造之材，又係演得戲嘅人，但就人到中年，唔可以再做o靚仔情聖角色，應該減吓肥先，轉型性格演員啦！佢（陳山聰）老人家要返無綫，第一個都唔係嚟搵我啦，係都搵樂易玲小姐，如果佢真係返嚟，自然有監製搵佢拍劇。佢啲戲冇問題，當日（與超雲拍拖期間）佢開工都好專業，熟讀晒劇本先嚟，絕對唔係hea！」