王大業嚴禁爆粗 冇風度
賭王何鴻燊千金何超雲與舊愛王大業（Andy）再見亦是朋友，對於有傳超雲與陳山聰復合，Andy表示會祝福對方，又透露以前超雲與他拍拖時也會向他發脾氣，而有傳超雲與山聰因錢銀問題，女方慘遭男方以粗口對待，對於男友向女友說髒話，Andy就認為絕對冇風度，自言自己不會如此對待女友。
皮草太子爺王大業前晚出席「2013年愛彼女皇盃慶祝派對」，同場還有林建康夫婦、鄧鉅明夫婦、郭少明等。其中Andy透露自己有收藏名錶的習慣，問到可有收過女友送的手錶？他表示從來沒有：「太貴重，唔會收。」談到有傳舊愛超雲與山聰復合，他說：「嗯，冇乜聯絡，（有咩睇法？）不如等佢返嚟，你哋問佢啦！」問到以前超雲可有向他發脾氣？他坦言：「少，咁拍拖實有嗌交，冇就呃你嘅。」有傳早前超雲與山聰因生意錢銀爭執，超雲慘受山聰以粗口對待，問Andy認為男友向女友講粗口有何睇法？他表示：「我唔會講，講粗口本身冇風度。（如超雲同山聰結婚……？）唔好如果，係先算，我都會祝福朋友。」
紅姑拍發哥要諗諗
同場，鍾楚紅（紅姑）以低胸晚裝裙亮相，並戴上價值615,000元的愛彼錶，閃亮迷人！紅姑早前拒演電影中余文樂（樂仔）母親，提到樂仔叫紅姑演他的情人，她笑說：「唔敢當！」問到可會復出與周潤發合作？她表示：「問導演，我需要時間考慮，（怕辛苦？）鍾意就唔怕辛苦。」問到發哥可有勸她復出？她笑言：「我諗佢都要時間考慮。（要你哋重量級人馬帶旺番電影業！）唔係我哋呢輩，應由新一代導演同演員。」問可有意自資或做幕後執導？她說：「冇咁偉大，冇咁嘅能力。我鍾意電影，總括而言，電影畀我回憶係開心。」
文：名人組