蔚雨芯無懼素顏與粉絲合照
歌手蔚雨芯（Rainky）自信心真爆棚，她自稱妝前妝後無分別，依舊都是靚女一名，故她表示私下經常素顏示人，更聲稱無懼在粉絲面前露出「真面目」：「我出街都會唔化妝，希望有神啲都只會畫眉，因為想皮膚好啲，同埋我好低調、唔想畀人望到，通常着運動衫、戴帽戴眼鏡。以前好鍾意扮靚，但平時出騷已經要扮靚，依家反而想喺休息時casual啲、做番自己。（有人讚過你素顏靚？）人哋話我化妝前後差唔多、冇乜分別。」
看過Rainky的素顏照，眼大大、皮膚白滑的確分別不大，果然冇講大話，難怪她也表示不介意素顏與粉絲合照。倘若在街上巧遇Rainky，粉絲們記得上前跟她大玩自拍吧！