林德信黐女密斟非禮勿視

歌手林德信（Alex）前晚撇低緋聞女友松岡李那出動夜蒲，見他在擠滿富二代的派對中，跟一名長髮女子全程黐到實。期間一名富二代竟斗膽當着林德信面前，向其身旁女伴搭訕，不過林德信輕易擊退來犯，繼續和女友人密斟。同場還見邵美琪的男友施祖男，他相當「安分」地「柄」埋一邊篤電話。

昨日林德信透過經理人公司同事回應，指前晚只是出席朋友的生日派對，不認識場內的富二代：「Alex嗰晚做完活動後，就同有嚟捧場嘅男、女性朋友轉場去另一朋友嘅生日會，佢冇睇到有人揭女仔條裙喎。（長髮女係Alex咩人？）朋友啫，佢逗留咗一陣都走，嗰個唔係女朋友，佢冇拍拖。」

另外，Alex又否認跟秦沛女兒姜麗文拍拖，強調兩人只是多年朋友。