李漫芬戴過百萬首飾撐金像獎
無綫娛樂新聞台女主播李漫芬（Fanny）獲邀任本周六舉行的「第三十二屆香港電影金像獎」紅地氈司儀，日前專程到珠寶店試鑽飾，分別試戴兩套共八百萬的名貴首飾。
Fanny表示戴上如此貴重珠寶心情緊張，為免過程間有任何閃失，屆時將會有兩名保安貼身保護，更指當日收到大會邀請時，簡直開心得尖叫連連，她謂︰「因為我係讀電影導演會課程入行，估唔到咁多年之後，終於有機會為母校出一分力，真係好興奮，好在依家啲衫同鑽飾都搞好晒，可以將剩番嘅時間熟讀候選人資料，等當晚可以準備充足參加呢個盛會。」