高皓正懶理瀆世眼光 拯救世人

高皓正勸人戒自瀆，立論雖與作家Daniel Reid（李丹）的《性與長壽之道》中，「習慣性自慰，將會損失充實生命與維護健康的寶貴精氣能量」近似，但高皓正卻慘被譏「福音戒瀆」，連卓韻芝亦加入聲討。

尊重女性

高皓正說：「多謝佢哋意見，香港性壓抑嚴重，但我願意冒險。有段時間我日日都要（自瀆），但係唔開心o架！總之就係要整攰自己。我嗰時都有女友，但女友唔係發洩工具，而且網上色情嘅刺激係扭曲、濃縮、無法比擬，係你沖幾多凍水涼都搞唔掂！我唔係反對自瀆，而係想同我一樣情況而又想脫離自瀆嘅人分享經驗。卓韻芝係會思考嘅人，佢會明白我係勸人尊重女性，唔好畀心靈沉溺，唔好演變到一望女人就動淫念。」

近日言論出位的高皓正不擔心被指博宣傳。

高皓正曾穿泳褲拍結婚照，非常破格。

太太支持

讀大學時主修哲學、副修性別研究的高皓正，最欣賞的哲學思想並非孟德斯鳩。他說：「我鍾意孔子宣揚愛，同唔同意我唔緊要，重點係互相尊重，我唔開心係有啲人用粗口鬧又人身攻擊。但我好感恩太太支持，我亦相信個女大個會欣賞佢爹哋。（點睇被封高主教？）幾得意，upgrade咗我啦！（怕人話你搞咁多嘢為谷書？）唔怕，我份人係點，入行以嚟，大家清楚。」

文：陳奕龍

攝：黎志輝