任達華槍戰 唔會嚇親女
任達華在羅守耀執導的《警長》一片中飾演警長，華哥說從影以來最初多是做賊，後來做變態佬，近年多演紀律部隊，單是在杜琪峯的作品中便演過警察、消防員、警長，與奇洛李維斯合作《太極俠》更「紮職」做警司！
日前華哥與李璨琛、盧惠光等拍《警》片的街頭槍戰戲，對他來說是零難度：「易到極，舉高手，左扭、右扭，哎呀！搞掂。」途中休息之際，寶貝女Ella來電，這位好爸爸調低聲線，極度溫柔。Ella當然有看過他的作品，亦有睇過他拍槍戰及被人打的戲：「佢好醒o架，知係假嘅，仲安慰媽咪：『唔使驚，假o架，爸爸做戲。』」
華哥指Ella記性超強，看過他跟吳君如合作拍戲，有次見到君如就記得「姐姐」曾跟老爸合作，不過華哥最擔心是Ella怕面對傳媒：「我哋兩公婆都係食娛樂呢行飯，習慣面對鏡頭，個女見有人影相就皺晒眉，我都冇辦法。」