王梓軒跳火坑 辣慶石祐珊
歌手王梓軒一直為新歌忙個不停，事事親力親為的他自爆在製作過程中，與緋聞女友兼經理人石祐珊多次「吵大鑊」，雖然只是星星之火，但識做的梓軒為求「箍實」女友，man爆地說：「要將新歌嘅成績送畀珊珊！」
王梓軒最近忙於灌錄新曲及MV製作，揚言要做出好成績的他，樣樣都親力親為落手落腳做，可見他對「親生仔」極之重視！不過亦因為甚有主見，梓軒大爆早在選曲時，曾與經理人兼緋聞女友石祐珊發生了小衝突。
有使命感
他坦言：「我哋係揀歌嘅時候爆出咗火花，佢對我揀嘅demo有啲意見，我哋都嗌咗好耐，最後我叫佢相信我，因為我相信：一日唔做，一日都唔知結果！」梓軒坦言兩人雖有分歧，但希望借新歌的成績來回報珊珊默默的鼓勵。
談到新歌的特色，梓軒表示有幸邀到師傅趙增熹及郭偉亮出手相助，他說：「今次首新歌叫《跳火坑》，歌名同我嘅做事方式幾相似，有啲事我認為要做，就會奮不顧身搏到盡，好似跳落火坑咁。」另外，梓軒亦找來不少志同道合的外國朋友協助製作MV，他指出：「希望可以讓更多人認識非主流嘅音樂，我唔可以話肩負重任，只係我有使命感。」
出世新法
梓軒又透露新曲會以嶄新的方式「出世」，他心情興奮的說：「因為時代唔同咗，今次會選擇先喺互聯網面世，可以迅速地散布新歌，等多啲人從合法途徑聽到我嘅歌。」
文：音樂組
髮型：Maggie Law@Kim Robinson
化妝：Ranson Lau@Beauty Tech
服裝：G Star Raw