高海寧踩過界 撈埋司儀
「無綫咪神」高海寧經常出席活動搵真銀，近月更踩入司儀界。她說：「近排多咗好多做晚宴活動嘅司儀，上個月都已經有四單。」司儀與演員工作是兩碼子的事，問可習慣﹖她說：「做司儀對自己都係一個突破，事前要做足工夫，好似記熟啲人名、獎項名，呢啲係唔錯得。」
高海寧透露有次為晚宴擔任司儀，嘉賓熱烈反應令她十分難忘。她說：「嗰次入到場，全場起晒哄歡呼，好似自己開緊演唱會咁。」問會否向司儀界發展？她說：「做娛樂圈各方面都要不斷增值，自己口才唔算好好，可以再加強，就算做唔到周身刀張張利，都要做一個全能藝人。」
