陸劍青梁樂民攜手補不足

繼彭氏兄弟於影壇站穩陣腳後，近期亦相繼出現聯合導演情況，如周星馳與郭子健，以及憑《寒戰》入圍今屆金像獎「最佳導演」的陸劍青與梁樂民，對於聯合導演趨勢，陸劍青直言與拍檔樂民對電影睇法跟理念差不多，更謂：「大家係可以分擔工作，好似樂民美術叻啲就主力去處理，我就去管理資金、人手等問題，嚟緊都會拍住上。」

曾任副導演的他，坦言首執導演筒感壓力，但相對地會較熟悉當中運作，問到第一套戲就獲好評，會否打下強心針？他謂：「都會，做唔番轉頭，大家唔係工廠導演，反而係會花時間創作故事。」談到今屆一眾對手導演，陸劍青自言榮幸與他們一齊提名，更透露睇好羅志良與鄭保瑞，大讚他們對電影有熱誠。

鄭保瑞《車手》

彭浩翔《春嬌與志明》

羅志良《消失的子彈》

林超賢《逆戰》

梁樂民、陸劍青《寒戰》