張家瑩同柱交流
前亞姐張家瑩日前為亞視節目《愛．潮流》首學鋼管舞，她穿上黑色top加短裙現身，纖腰、玉背、大髀加波罅應露盡露。曾學瑜伽的張家瑩自爆對鋼管舞一直感興趣，她說：「我有瑜伽底子，所以柔軟嘅動作都可以，不過爆炸性嘅動作要練多啲，好似要靠手臂大力扯個人上去同轉，依家隻手臂好痛。（有冇整傷？）我只係好似消防員咁跣落嚟，冇跌親。」
張家瑩指跟鐵柱要有交流，更笑言把它當成男生，並謂：「今次啲衫都好wild、好sexy，加上動作好誘人，自己都覺得好sexy。（男人睇住尷尬？）都有啲尷尬，我當睇唔到，自己之前都喺節目入面着過比堅尼，同埋導師教我跳得型啲冇咁cheap。」問到會否跳給男友看？她笑稱會報名繼續學跳，並打算在家中裝條柱練習。