呂慧儀加操捉挑子羚

呂慧儀和姚子羚在早前播完的《女警愛作戰》中一兵一賊，戲中玩貓捉老鼠大鬥法。慧儀演女警似模似樣，原來有位私人教練指導，她說：「老公以前做過警察，開拍前已經問定佢，佢喺屋企特訓我，唔止要神似，好多細微位都執得好正，好似點攞對講機咁，拍嗰陣佢仲經常嚟探班畀意見。」

劇集出街後慧儀笑謂老公黃文迪成為其頭號粉絲，晚晚定時開電視捧場，她說：「佢話希望《女警》開第二集，仲叫我拍多啲劇。」問會否阻礙生仔大計？慧儀說：「我仲後生，享受吓二人世界先，生BB係好大承諾，我仲未ready。」劇中「七公主」的姊妹情深也是賣點所在，慧儀笑說：「開頭知道有咁多女仔一齊拍，都有啲擔心，但效果真係好夾，戲裏戲外大家都變成好朋友。」

姚子羚成魔

姚子羚的角色是低下階層寫照，住在環境惡劣的籠屋，懷疑媽媽被警察冤枉而死，生活盡是壓力和挫折，最後走上成魔之路，靠極端手段如燒車、擲汽油彈等控訴社會不公。子羚在戲中要吊威吔外，最難頂是與鼠為伴，她說：「劇中講我冇朋友，當咗老鼠係朋友，其實我好驚老鼠，同老鼠做戲真係十個驚。不過，今次角色好突破，好有發揮。」

採訪：影視組　

攝影：劉智源

化妝：Sammy Lam@zeal.image

髮型：Taylor Wan@HAiR Corner

服裝：2068