鄭佩佩揸拐杖濕平

近來出入要用拐杖輔助的鄭佩佩，日前又再揸住拐杖，一拐一拐地約女兒原麗淇於中環行街，兩母女先於餐廳歎下午茶，全程似有不少話題傾唔完，其後兩人再步入超級巿場掃貨，準備買餸回家玩煮飯仔。這日原麗淇約媽咪出街相當不修邊幅，只見她穿上鬆身tee、短褲及人字拖，鬆散地紮了個髮髻，更拖埋篋同行，造型頗為古怪。佩佩姐兩母女於超巿揀了不少生果和肉類，離開時更往戲院望望，但最終沒有買飛入場，匆匆地離開。