秋生簽英皇 助長戲勢
黃秋生前晚以「英皇人」身份現身英皇慶功派對，繼謝霆鋒及任達華後，成為英皇另一位影帝級成員，秋生對英皇信心十足，接戲工作盡交英皇安排，自己則主力發展舞台劇。同場張敬軒的「英皇人」身份雖呼之欲出，但他說要保持神秘。
黃秋生、張敬軒、成龍、謝霆鋒、蔡卓妍、古巨基、韓星李炳憲及韓嘉恩等，前晚出席完華鼎獎後，再到跑馬地英皇駿景酒店參加英皇慶功派對，眾人包括出爐華鼎影帝霆鋒等由前晚11時許，玩至昨日凌晨2、3時許才離開，相當盡興。
談到簽約英皇，秋生昨風騷表示：「我簽咗英皇經理人約，（簽幾多年？）細節未講，講你可能唔信，我鍾意英皇office喺灣仔，近我屋企。（杜汶澤、任達華、溫碧霞簽英皇後，都可以試監製、導演工作，你都會參與幕後？）我係演員，簽經理人係為接戲，但我有搞舞台劇團，英皇幫我接戲，我主力搞舞台劇，依家有兩個劇，分別想搵張敬軒同劉嘉玲合作，游說緊張敬軒全裸演出。」
11年前曾合作
英皇高層霍汶希說：「同秋生大約11年前合作過，因為種種原因停過，楊生（楊受成）一直好欣賞佢嘅才華。（用好高酬金吸引秋生加盟？）佢係無價寶，今後我哋會有好多密切嘅合作。」張敬軒昨晨2時半離開，對於傳他簽英皇，他說：「今晚嚟開心吓，我成日嚟呢度食嘢。」軒仔離開前約半小時，關智斌與鄭希怡結伴離開。
文：影視組