古仔冇得避照飛 Kelly未驚過
內地H7N9禽流感疫情迅速蔓延之際，不少香港藝人為了工作冒險返內地開工。古天樂明天便會到確診城市上海撐杜琪峯新片。陳慧琳（Kelly）亦將北上工作，但說不是太擔心，反而擔心小朋友，要教他們勤洗手。
香港藝人北上賺人仔十分普遍，近日內地出現H7N9禽流感疫情，有迅速南下擴散迹象，不少內地城市的確診個案逐漸上升，甚至出現死亡個案。為了工作不少香港藝人要冒生命危險北上開工。
雷頌德做好本分
剛完成導演陳木勝新片《掃毒》泰國戲份回港的古天樂，明天（７日）便會到上海為其主演、杜琪峯執導的新片《毒戰》站台宣傳，性命攸關風險相當大，古仔經理人回應時說：「工作嘅嘢避都冇得避，工作都要照做，冇得諗咁多。」
Kelly與雷頌德（Mark）昨日會見傳媒，宣傳Mark於６月舉行的作品展。提到近日H7N9的疫情，Kelly直言有工作會需要返內地，她說：「之後都唔會停接內地嘅工作，自己唔係驚得咁緊要，嗰時香港都係咁，反而驚小朋友多啲。」Mark謂最重要家長做好本分，如小朋友感不適就不要上學，Kelly亦贊成道：「係呀，唔好諗住戴口罩就冇事，一定惹到人，小朋友抵抗力差啲，好多病都係學校惹番嚟，我都有教佢要勤洗手。」Kelly將為Mark的作品展任嘉賓，屆時Mark的舊拍檔馮德倫亦會上台合唱。
繆非臨乳鴿照食
至於已移居上海的亞姐繆非臨，指上海市面沒有異樣，但計劃５月１日一家人離開上海到美國探親：「上星期未有咁多消息，我仲食咗乳鴿。」她笑言此行到美國丈夫訂了大韓航空，現在擔心內戰多過疫情！同樣定居上海的丁子峻表示未有想過因疫情返港暫避，他說：「市面上冇大家想像中咁亂，上海咁大，大家亦努力去控制局面，相信唔會惡化。」