龍小菌未及除罩 星途受挫

因拒以真樣示人而受人注視的龍小菌，出道時僅在網路演唱，其歌曲受網民力捧，曾創下逾百萬點擊率，去年８月，薄有人氣的她得吳君如弟弟吳君祥新成立的唱片公司垂青，簽約為力捧歌手，跟小菌緋聞男友邵子風共同擁有小菌的經理人合約權。早前小菌推出新碟《誰可聽我唱歌》後，自感知名度再提升，已獲大眾接受的她，曾言考慮在「適當時候」掀開面罩回復真我。

跟「男友」共進退

不過，有傳吳君祥的唱片公司出現「大地震」，除宣傳部變「真空」，另有數位幕後人員離職外，連跟吳君祥相識十多年的邵子風傳和吳君祥意見不合，上月已辭去總經理一職，據知情人稱：「小菌因緋聞男友『劈炮』，佢都唔想做，打算出埋張碟後，寧願賠少少錢都要同唱片公司提早解約。」

邵子風昨在電話中坦言已離職，但例牌否認跟吳君祥反目：「因為我仲有其他公司嘅工作要兼顧，所以先辭職，小菌仲係吳生嘅歌手。」不過他承認跟吳君祥在社會政見上有出入，亦認同現時沒有宣傳人員，對小菌的宣傳有影響：「咁我咪辛苦啲自己做埋囉，新碟本來喺３月推出，我諗依家要推遲到５月先出到。」問到小菌何時「除罩」，他說跟吳君祥其實也想她盡快除面罩，但小菌不願意。

新碟需延遲推出

吳君祥受訪時，承認公司正招聘新同事。對於傳出跟邵子風不和及小菌解約，他哈哈笑說：「流料，小菌仲係我嘅歌手，我唔覺得小菌宣傳少咗，我買咗2,500部的士嘅廣告，（小菌新碟幾時出？）依家應該６月先出到。」