張兆輝耳鳴聽覺受損
張兆輝日前拍爆破戲份，不慎被碎片彈到右耳，原以為只是皮外傷，沒料當晚即出現耳鳴狀況，痛楚難眠，聽覺受到損害，昨日他負傷開工，直言是入行以來最痛的一次！
近日張兆輝忙拍無綫劇集《神槍狙擊2013》，日前他拍攝一場爆破戲時，因反應彈接近其所在位置，過程間被玻璃碎片彈到，導致右耳流血，即場經檢查後並無大礙。張兆輝更笑指幸好意外發生時擰歪面，否則便割傷面部，沒料當晚返家後卻出現耳鳴，令他整晚不能入睡，認真慘情。為免有碎片入耳，張兆輝與太太商量後，有意到專科醫生再作詳細檢查。
雖然耳傷未愈，但張兆輝昨日仍繼續投入拍攝，一早便聯同周海媚（海味）及謝天華等到屯門開工，拍攝一場營救海味與楊愛瑾（Miki）的戲份，期間更與綁匪連番槍戰。現場所見，張兆輝於不用埋位時，盡量爭取時間閉目養神，他謂：「入行以嚟未試過傷到咁痛，成晚都瞓唔到！之前拍電影Keep住拍動作，身手就未退化，但都要量力而為。」
海味當Miki細妹
至於早前有指海味不滿同劇的徐子珊搶戲份，結果將怨氣發洩在Miki身上，海味否認說：「我咁耐冇返嚟，做乜一返嚟就係咁『做』我呀！我幫Miki滴埋眼藥水，感情不知幾好，我當自己係家姐咁照顧佢，仲有之前同子珊拍跳天橋戲都有扶佢，但呢啲又冇人寫。」現年46歲的海味依然貪靚，未埋位時全程自備草帽遮擋太陽，連老拍檔張兆輝也忍不住笑他：「喺邊度拎咁大頂帽？」