歐陽震華唔慣被優待
藝人歐陽震華（Bobby）於大年初三凌晨因急性肺炎而入院，前日Bobby第二天復工，只單拖返電視城拍攝劇集《情逆三世緣》，愛妻傅潔嫻未見隨行。他說：「拍劇生活OK，好順利，身體應付到，仲比預期拍快咗個幾鐘。（唔習慣？）唔慣大家都對我咁好囉，佢哋咩都（遷）就晒我！」劇組愛錫Bobby怕他辛苦，拍3日休息1日，Bobby笑說：「我都唔知原來我咁重要，要好好享受依家，唔係遲啲等件事過咗又打回原形。」
Bobby透露入院時胃酸曾倒流入肺，令肺部受損，幸醫生指他復原得快。對於住院期間其替身藝人李啟傑未能順利完成工作，Bobby笑說：「我一早識佢，不過佢個頭好大，戴唔落我頂帽。」