王菀之甩拖期待好心男
去年剛結束了一段戀情的歌手王菀之日前在電台錄音訪問中坦言感可惜，但無損她對愛情的憧憬，問到她擇偶要求，她笑說：「希望佢高大、大家年紀差唔多，最重要個人心地好，有幽默感同識得欣賞任何一種藝術，咁大家先溝通到，如果再有把低沉嘅聲仲好，因為夠man同可以冧死、馴服到我。」
之前王菀之在劇集《老表，你好嘢！》的破格演出獲讚賞，她自爆因有鏡頭恐懼症，當日曾狠狠推卻王祖藍的邀請接拍該劇，後來被祖藍打動，終答允演出，她說：「好感謝佢當日冇放棄我，冇令我錯過呢個難得嘅機會，（會再拍劇嗎？）我依家會『大牌』話得《老表》續集先可以打動我。」