林峯收「五千魚」 四萬咁口
「Chok王」林峯昨日出席活動，雖然遲到半個鐘，但一眾峯迷都耐心等候。林峯指現時搵錢最緊要，所以工作排得密密麻麻，月中更要到內地拍劇，問BB吳千語可會掛住他？林峯冧笑不答，又問可介意BB探班？他坦言：「有都好正常。（你太忙女友會詐型？）當然唔會啦！」至於可介意BB拍「咀戲」？他就遲疑半秒說：「工作需要嘅話……最好唔好啦！」
另外，林峯獲大會贈送寫有「五千斤」重的卡通魚作禮物，即笑到擘大個口得個窿。被問到該禮物「五千魚」是吳千語的諧音時，他扮傻說：「乜講緊佢咩？我唔知喎，我唔介意嘅，大家開心就得。」