官恩娜日日操男友冇份
「華納一姐」官恩娜（Ella）前晚盛裝出席晚宴，透露在影唱片封套前要狂操「朱古力」，誓要勁騷性感臍環，為此將會日日操練肌肉，並笑言每日要操到腹痛先罷手，但不會約醫生男友一齊操，以免阻礙進度。
歌手官恩娜、泳兒（Vincy）及蘇永康前晚擔任「2012豐澤『生活新啟發大獎』晚宴」表演嘉賓。「華納一姐」Ella以黑皮短裙示人，剛加入新公司的她表示正忙於製作新碟：「啱啱喺台灣拍完MV，三月會有派台歌，即將拍唱片封套，我要操fit啲先得！」Ella指希望在影封套前操到一排朱古力，大騷「十年」未見過人的臍環，又笑言每日要操到腹痛先罷手。問到可會跟醫生男友一齊操？她坦言：「唔同佢一齊做先keep到，啲朋友係我星途嘅絆腳石，成日大吃大喝，要自己匿埋食雞胸肉！」
泳兒升Cup：同一個Bra啫
泳兒以鮮紅色短裙出場，上圍明顯升Cup的她笑言：「我都係着番同一個Bra啫，不過真係有人話我圓潤咗。」她又透露早前跟男友到峇里島潛水，共度浪漫情人節，她說：「開頭唔識潛，個人不斷向下沉，仲要被珊瑚整損腳。」對於埃及熱氣球爆炸事件，她坦言震驚，呼籲大家玩高危活動要小心。
至於壓軸嘉賓蘇永康大讚余文樂對與吳雨霏拍拖一事處理得宜，對於有指樂仔為「護花」而刪除網友抨擊Kary的留言，蘇永康表示：「其實粉絲愛佢就要愛埋佢另一半，希望粉絲快啲停止罵戰啦！」
文：音樂組
攝：謝國華