梁安琪甫下機趕陪賭王
賭王何鴻燊自大年初一因感冒發燒入住養和醫院後，連日來他的家人均輪流到醫院探望他，四太梁安琪昨晚甫落機即趕到醫院探望賭王，果然愛夫情切。四太昨晚穿上米色套裝褲，圍上橙色頸巾及手挽紅色手袋，精神奕奕表示：「我啱啱落機，喺美國返嚟，初一飛咗過去嗰邊幫個仔搵學校。（何生入咗ICU喎？）唔係，醫院真係冇房，因為過年閂咗兩層，醫生又放假。（何生幾時出院？）本來尋日出院嘅，依家應該聽日（今日）會出院，（你今晚陪何生傾偈？）係呀！」
而昨日下午五時，長房女兒何超雄離開醫院時被問何生甚麼時候出院，她說：「快o架喇！（係咪呢兩日？）唔知。（你會唔會接佢出院？）到時先算。（何生有冇打麻雀？）冇呀！」說罷便上車離去。
