李彩華 「峯之密碼」肉麻傳情
林峯與吳千語愛得火熱，林峯高調以「BB」暱稱女友，認真肉麻。第一代「峯女郎」李彩華（Rain）昨日接受電台訪問大方承認曾與林峯拍拖，令12年前的「峯華戀」重見天日。
Rain先向「峯語」送上十萬分祝福，並自爆當年被迫發展地下情：「好勇敢，依家做藝人好多嘢都可以公開，開心好多。當年太細個，公司唔想我哋公開，所以冇得認。」問到可會覺得酸溜溜？她趁這個單身情人節自我鼓勵說：「唔會，都清朝年代嘅事，我自己都會更努力！」
自爆多人追
問到當年林峯有沒有以「BB」稱呼她？Rain擺出一副冧樣笑說：「冇呀，不過有叫第二啲，但唔話畀你哋知！（Honey？）情侶拍拖都離不開呢啲肉麻嘢。」她又指與林峯各有各忙少聯絡，但一切在心中。對於不少舊愛陸續有着落，她豁達地說：「有啲嘢去就去，留就留，去咗即係唔啱啦。之前拍拖比較兒戲，依家要睇清楚先。」Rain又暗示自己多人追，日前更收神秘人的大束玫瑰，似乎脫離單身在望。
文：音樂組